José Cernadas Pérez: un ourensán no corazón do socialismo español.

-


Natural de Santiago de Compostela (29.01.1880), iniciou a súa carreira sindical e profesional en Ourense. Segundo toma Borobó de Juan José Morato, José Cernadas “rexentou sucesivamente as mellores imprentas de Ourense, onde se estampaban sendos xornais locais, este de esquerda – El Miño, de Vicente Pérez – e outro de dereita – El Eco de Orense –”. Morato caracterízao coma un operario que dominaba o oficio na súa integridade, que tiña unha cultura pouco común e unha grande facilidade de palabra. Orador elocuente, podía ser considerado un habilísimo político. Para mellorar economicamente trasladouse a Vigo, traballando no seu oficio e ocupando diferentes cargos na Agrupación Socialista e na sección Tipográfica. En Ourense destacou por ser un importante orador e organizador de Sociedades Agrarias e Oficios Varios no entorno da cidade. Na primeira década do S.XX Cernadas marcha para Madrid, ingresando o 03.10.1910 na emblemática Asociación General del Arte de Imprimir. Foi elixido vicepresidente da mesma en 1914 e presidente dende 1919 a 1922, cando pasará a dirixir a Federación Gráfica Española. Malia todo, estaría sempre moi unido a Ourense, acudindo como delegado dos tipógrafos ourensás ao X Congreso da UGT en 1911 e ao XII Congreso do PSOE de 1928. Ocuparía tamén outros importantes cargos, entre os que destacan os de delegado aos XIV e XV Congresos da UGT (1920 e 1922 respectivamente), Vocal na Xunta Directiva da Fundación Cesáreo del Cerro (1928) e Vocal da Comisión Executiva da UGT dende marzo de 1933 a xaneiro de 1934.

Durante a súa estadía en Ourense cultivou unha profunda e directa amizade con Manuel Suárez Castro. Segundo declaracións da súa filla, Dolores Suárez Bretaña, tras o fusilamento de seu pai foron visitar a Madrid a José Cernadas en varias ocasións, perdéndose posteriormente a relación.

Detido ao finalizar a Guerra Civil, a súa causa foi sobresida e foi posto en liberdade aos veinte días. Volveu ser detenido en marzo de 1941 acusado de ser cobrador do Comité Nacional do Socorro Rojo Internacional, sendo internado na prisión de Santa Engracia e posto de novo en liberdade sen ser encausado. Ao constituirse a Segunda Comisión Executiva Nacional do PSOE no interior, Eduardo Villegas e José Castro propuxéronlle sustituír a Claudina García Pérez como delegado dea UGT no Comité da Alianza Nacional de Fuerzas Democráticas. Como integrante do mesmo foi detenido o 22 de outubro de 1945 e condenado en Consello de Guerra celebrado en agosto de 1947 a dous anos de cárcere. Faleceu en Madrid o 28 de xuño de 1971.


Nin esquecemos, nin perdoamos. 
O noso recoñecemento ós mártires da liberdade, a democracia e a xusticia social.

FONTES:


  • QUINTAS FERREÑO, Francisco Javier (2012): Historia do movemento obreiro socialista en Ourense (1895-1936), Santiago de Compostela: Fundación Luís Tilve.
  • FUNDACIÓN PABLO IGLESIAS: http://www.fpabloiglesias.es/archivo-y-biblioteca/diccionario-biografico/biografias/4103_cernadas-perez-jose , consultado o 21.01.2018.

    • Publicacións populares deste blog

    No fue en Eibar, fue en Ribadavia. La proclamación de la II República.

    -
    Imaxe
    Dicen las crónicas que el primer lugar de España en el cual se proclamó la II República fue en la localidad de Eibar. Sin embargo, muy pocas personas saben que esto no es así, ya que si hacemos caso de lo que nos relata Armando Fernández Mazas en su libro Ourense:Atenas de Galicia (1989), fue Rivadavia, y no Eibar, la localidad que por primera vez proclamó la II República española. Según la crónica de Fernández Mazas en la noche del día 12 de abril de 1931, " al saber el triunfo de los republicanos en las elecciones municipales, después de celebrarlas en espléndido banquete, salió Antonio Buján acompañado de sus numerosos amigos y comensales y se dirigieron a la iglesia de Francelos en las afueras de Ribadavia. Colocaron en su espadaña la bandera republicana y lanzaron al vuelo las campanas despertando a los vecinos y proclamando con brillantes discursos la República. Fue el primer lugar de España donde se proclamó y no Eibar como figura en los anales de la historia. Con este...
    Ler máis

    A tradicional implantación socialista na vila de Allariz

    -
    Imaxe
    Malia a hexemonía nacionalista dos últimos anos na vila de Allariz, moi poucas persoas saben que tempo atrás a implantación socialista en terras alaricanas estaba lonxe de ser testemuñal. Tal é así, que as primeiras novas da chegada do ideario socialista a esta vila témolas xa en 1913, cando foi creada a Sociedade de Dependencia de Comercio e Banca de Allariz , segundo nos informa El Socialista . Ese mesmo ano a sociedade alaricana participou na I Asemblea de Sociedades de Dependentes de Comercio de Galicia celebrada en Vigo, á que acudirían tamén as recentemente organizadas sociedades do ramo de Ourense, Celanova e Verín para adherirse á socialista Unión General de Trabajadores (UGT) . A Sociedade de Dependencia e Comercio de Allariz será, sen ningún xénero de dúbidas, o corazón socialista da vila, establecendo como centro neurálxico un Centro Obreiro do que lamentablemente non puidemos saber a súa localización. Será este un lugar de encontro para republicanos e esquerdi...
    Ler máis